a.jpg)
ساڵی 2014ی زایینی واته ده‌ور و به‌ری پێنج ساڵی دیکه، ته‌مه‌نی کۆیلایه‌تی گه‌لی کوردستان ده‌گاته نیو هه‌زاره واته پێنجسه‌د ساڵ! ئه‌وه‌تای گه‌لی کوردستان کۆیله و ژێرده‌سته‌یه دایمه حه‌ولی داوه خۆی له‌م بنده‌سته‌ییه ڕزگار بکات و به هۆی ئه‌وه‌ی که کۆیله‌چییان و کۆلۆنیالیستگه‌رانی کوردستان به زۆر و زۆرداری و به چه‌ک و هێزی نیزامی و به شه‌ڕ نیشتیمانی کوردانیان داگیر کردووه و هیچ زمانێکی دیکه زیاتر له‌و زمانه‌یان نه‌فامیوه، ئازادیخوازان و ناجیانی کوردیش به ناچاری شه‌ڕیان به‌سه‌ردا سه‌پاوه و ئه‌وانیش وه‌ک داگیرکه‌ران هه‌ڵس و که‌وتییان کردووه و هه‌وڵیان داوه که کێشه و گرفته‌کانی کورد له‌گه‌ڵ داگیرکه‌رانی ئه‌شغاڵگه‌ر به شه‌ڕ ڕاست بکه‌نه‌وه. کورد له‌م شه‌ڕه‌دا، ئه‌گه‌ر چی پشتیوانی ئینسانی و جه‌ماوه‌ری گه‌له‌که‌ی خۆی له پشت بووه، به‌ڵام به هۆی ئه‌وه‌ی حکومه‌ت نه‌بووه و ده‌ستی به گرنگترین که‌ره‌سته‌ی شه‌ڕ واته "ئابوری وڵاته‌که‌ی" خۆی ڕانه‌گه‌ییوه، به‌م هۆیه‌وه هه‌ر کات شه‌ڕه‌کان و به‌رگرییه‌کان درێژه‌یان کێشاوه، له سه‌رئه‌نجامدا به شکستی لایه‌نی کوردی کۆتایی پێ هاتووه، بۆ ئه‌وه‌ی کوردی بێ پشتیوانی ده‌ره‌کی، خۆیشی نه‌یتوانیوه پشتیوانی خۆی له باری وه‌گیرهێنانی چه‌ک و چۆڵ و به‌رده‌وامی شۆڕش بۆ ماوه‌ی دور و درێژ بکات و له‌مبواره‌دا سه‌ربه‌خۆ نه‌بوونه. شۆڕشگێڕانی کوردیش له‌گه‌ڵ ئه‌و هه‌مو فیداکاری و گیانبازی و دڵسۆزییانه‌یان که بۆ گه‌له‌که‌یان کردووه، به‌ڵام به داخه‌وه له‌مبواره‌شدا وه‌ک هه‌ندێک بواری دیکه‌ش که‌م تا زۆر چاو له ده‌ست و هه‌ژار بوونه، واته هه‌ژاریی ئابوری هاوکات له‌گه‌ڵ هه‌ژاریی سیاسی و تاکتیکی و هی دیکه‌ش!
ئه‌وه‌نده‌ی که په‌یوه‌ندی به هه‌ژاریی ئابوری و ناسه‌ربه‌خۆیی و چاو له ده‌ست بوونی ئابوریه‌وه هه‌یه، هۆکه‌ی ئه‌گه‌ڕێته‌وه بۆ ئاستی دڕندایه‌تی داگیرکه‌ران که ده‌ستیان به سه‌ر ئه‌م نیشتیمانه‌دا گرتووه و ئابوری نیشتیمانی کوردان و کانه نه‌وت و گاز و به‌رد و شته‌کانی ئه‌م گه‌له و کشت و کاڵ و گومرکه‌‌که‌یشی کۆنتڕۆڵ ده‌که‌ن و شۆڕشگێڕانی کورد ده‌ستیان به‌م سه‌رچاوانه ڕانه‌گه‌ییوه و له ده‌ره‌وه‌ش ته‌نیا وه‌ک یارمه‌تی، بۆ زیندوو مانه‌وه و درێژه‌ی خه‌بات، ئه‌ویش به هه‌ژاری، یارمه‌تی دراون و زۆر جاریش حیزبه کوردیه‌کان له هه‌مو پارچه‌کان و ده‌توانم بڵێم به داخه‌وه بۆ درێژه‌ی خه‌باتی خۆیان په‌نایان بردۆته به‌ر داگیرکه‌رانی به‌شه‌کانی دیکه‌ی کوردستان! شۆڕشگێڕانی ڕۆژهه‌ڵاتی کوردستان چوونه‌ته باوه‌شی نیزامی به‌عس و ئه‌وانی باکور چونه‌ته باوه‌شی نیزامی ئه‌سه‌د و کۆماری ئیسلامی و ئه‌وانی باشور چوونه‌ته باوه‌شی کۆماری ئیسلامی و ته‌نانه‌ت یارمه‌تیشیان داون و تا ئه‌مڕۆکه‌ش وه‌ک برا وان و مو ناچێت به به‌ینیاندا!!
ئه‌وه‌نده‌ی ئه‌گه‌ڕێته‌وه سه‌ر هه‌ژاریی سیاسی و تاکتیکی، ئه‌توانم بڵێم که گه‌لی کورد و ڕوناکبیران و شۆڕشگێڕانی کورد له هه‌مو پارچه‌کانی کوردستان خاوه‌نی کتێبخانه وئاڕشیوخانه‌یه‌کی گه‌وره‌ن له بواری هه‌ڵه‌ی سیاسی و تاکتیکی و هۆکاره‌که‌یشی ئه‌گه‌ڕێته‌وه بۆ یه‌ک شت و ئه‌ویش ئه‌وه‌یه که کورد به گشتی، به حیزب و ڕێکخراوه و ڕوناکبیر و هیدیکه‌وه، نه‌ته‌وه‌یی نین! کارم به تاقه که‌سه‌کان نه‌داوه که لێره و له‌وێ بیر له سه‌ربه‌خۆیی ده‌که‌نه‌وه، مه‌به‌ستی من لێره جه‌ماوه‌ره و چونکو له ڕاپرسیدا جه‌ماوه‌ر حیسابه و نه‌ک تاقه‌کان و سه‌رۆکه‌کان! کورد گه‌لێکی نه‌ته‌وه‌یی و گه‌لێکی نه‌ته‌وه خواز نه‌بووه و نیه و ئه‌مه‌ش گه‌وره‌ترین که‌لێنه له کورده‌کاندا که له‌گه‌ڵ ئه‌وه‌شدا که دیعایه ده‌که‌ن که نه‌ته‌وه‌یین، به‌ڵام به داخه‌وه نه‌ته‌وه‌یی نین!! کورد نه‌ته‌وه‌یی نین بۆ ئه‌وه‌ی که بیریان له ده‌وڵه‌تێکی نه‌ته‌وه‌یی، له سه‌ربه‌خۆیی نه‌ته‌وه‌یی، له ئابوری سه‌ربه‌خۆی نه‌ته‌وه‌یی، له هه‌ڵس و که‌وتی سه‌ربه‌خۆ له گه‌ڵ ده‌وڵه‌تان نه‌کردۆته‌وه! کورده‌کان حیزبین و بیر له به‌رژه‌وه‌ندی حیزبایه‌تی ده‌که‌نه‌وه، کورده‌کان عه‌شیره‌یین، بۆ ئه‌وه‌ی که بیر له به‌رژه‌وه‌ندی بنه‌ماڵه ده‌که‌نه‌وه. کورده‌کان کاتێک ده‌بنه گه‌لێکی نه‌ته‌وه‌خواز و نه‌ته‌وه خۆشه‌ویست که ئا له‌م حاڵه‌ته سه‌ر لێ شێواویی و نیشتیمان داگیرکراوه‌ییه‌دا، ته‌نیا بیر له یه‌ک شت بکه‌نه‌وه، ئه‌ویش پێک هێنانی ده‌وڵه‌تی نه‌ته‌وه‌ییه! کورده‌کان پێویسته و ده‌بو هه‌ر ئێستاکه خاوه‌نی گه‌وره‌ترین ڕێکخراوی نه‌ته‌وه‌یی خۆیان بن و له پاڵ وه‌ها ڕێکخراوه‌یه‌کیشدا ئه‌گه‌ر چه‌ند ڕێکخراوی بچکۆله هه‌ڵسوڕانیان هه‌بوویایه زۆر ئاسایی ده‌بو، به‌ڵام کێشه‌که لێره‌دایه که کورده‌کان به تایبه‌ت له ڕۆژهه‌ڵات ئێستا به‌و جۆره نین و حاڵه‌تیان نائاساییه و هه‌ر ئێستاکه ڕۆژهه‌ڵاتی کوردستان خاوه‌نی نیزیکه‌ی بیست ڕێکخراوه‌ی سیاسی و مه‌ده‌نییه، که لانیکه‌م ده دانه‌یان ئیدیعای تاقه حیزبی سه‌ره‌کی بۆ خۆیان ده‌که‌ن و ئه‌مه ئاور خۆشکه‌ری داهاتوی کوردستانه که وڵات ده‌کاته جه‌هه‌نده‌مێک ئه‌و سه‌ری ناپه‌یدا، بۆ ئه‌وه‌ی له ده حیزبدا که‌س خۆی له‌ویتر به که‌متر نازانێت و له ناوچه‌یه‌کی ئێجگار حه‌ساسیشدا ده‌ژین که وه‌ک ئه‌وه وایه به‌نزینت ڕشتبێت و به تاقه بروسکه‌یه‌ک، هه‌مو ناوچه‌که ئاور ده‌گرێت! ئه‌مه‌یه مه‌ترسی من له دواڕۆژی کوردستان! ئێستا له ئوروپا و ئه‌مریکا ده‌ژین و له وڵاتگه‌لێکین که چه‌کمان پێ نیه و ده‌سه‌ڵاتیشمان نیه، به‌ڵام که چوینه‌وه کوردستان هه‌مو چه‌کدارین، هیچ ده‌وڵه‌تێکی خۆماڵی و هیچ یاسا و دادگایه‌کمان به سه‌ره‌وه نیه، هه‌مو موده‌عیین، دێمۆکڕاسیمان وه‌ک ده‌سه‌ڵاتدار ئه‌زمون نه‌کردووه و ته‌نیا وه‌ک شارومه‌ند له وڵاتانی دێمۆکڕات ژیاوین و ئیتر بۆخۆتان چیرۆکێکی تێر و ته‌سه‌ل له‌م و‌زعه بخوێننه‌وه و ئه‌و ئاگره‌ی دواڕۆژ که من له ئێستاوه لێی ده‌ترسێم، بیهێننه به‌ر چاوی خۆتان!!
چاره‌سه‌ری کێشه‌ی کورد و خۆشخه‌یاڵیه‌کانمان و له دایک بوونی خه‌ونێکی نوێ!
من پێم وایه که له‌م ساڵانه‌ی ئاخرا کورده‌کان له هه‌مو پارچه‌کانی کوردستان توش خۆشخه‌یاڵییه‌کی ئێجگار به‌رچاو له‌مه‌ڕ چۆنیه‌تی هه‌ڵس و که‌وت له‌گه‌ڵ داگیرکه‌رانی کوردستان بوونه‌ته‌‌وه و خۆشخه‌یاڵی ئه‌مجاره‌مان به‌ناوی چاره‌سه‌ری دێمۆکڕاتیکی کێشه‌ی گه‌لی کوردستان به‌ر چاو ده‌که‌وێت! یه‌ک له خۆشخه‌یاڵیه‌کانی ڕابردوومان برایه‌تی برایانی موسوڵمانی ئێمه وه‌ک تورک و فارس و عه‌ڕه‌ب بوونه، که پاش ئه‌وه‌ی کاریان سه‌ری گرت ئه‌وجار وه‌ک مار پێیانه‌وه داین و وڵاتیان لێ دابه‌ش کردین. یه‌کی دی له خۆشخه‌یاڵیه‌کانمان پێک هێنانی ویلایه‌تی خودموختاری کوردستان بوو که ئه‌ویش بۆ له بیر بردنه‌وه‌ی هه‌ستی سه‌ربه‌خۆیی ته‌ڕڕاحی کرابوو و دواتر ئه‌ویشیان نه‌داینێ و خۆشخه‌یاڵییه‌کی دیکه خه‌ونی فیدڕالیزمه که هه‌ر ئێستاکه سه‌رمانیان پێوه شلوق کردووه و بێشک له ساڵانی داهاتودا له پڕ ژه‌هره‌که‌ی له له‌شماندا هه‌ست پێ ده‌که‌ین، هه‌ر وه‌ک چۆن له به‌غداد تۆپ تۆپێنێمان پێ ده‌که‌ن! نوێترین خۆشخه‌یاڵی چاره‌سه‌ری کێشه‌ی دێمۆکڕاتیکی گه‌لی کوردستان له باکوری وڵاته و دیتمان که چلۆن وه‌ک مار به ده ته په‌یانه‌وه دا و له ئێرانیش زمزمه‌ی ئه‌وه هه‌یه که گوایا نوێنه‌رانی به‌سیجی کورد له تارانیش به ته‌مای کۆپی کردنی ده‌ته‌په‌ن!! دیاره هیچکه‌س دژی ئه‌وه نیه که کێشه‌کانی نه‌ک به شه‌ڕ، به‌ڵکو له ڕێگای ناتوند و تیژی و ئاشتییه‌وه چاره‌سه‌ر بکرێن، به‌ڵام ئه‌زمونه‌کانی ڕابردوی هه‌ڵس و که‌وتی گه‌لانی داگیه‌رکه‌ری کوردستان له گه‌ڵ ئێمه و جێ پێ خاڵی کردنمان به ده‌یان و سه‌دان جار و هیدیکه پێمان ده‌ڵێن که ئه‌و گه‌لانه نه ته‌نیا هیچ جێگای متمانه نین، به‌ڵکو له به‌ر ئه‌وه‌ی که بۆ مافی خۆیان زۆر نه‌ته‌وه‌یین و جار و باریش له ئاست گه‌لی کورددا له فاشیزمێکی سه‌ره‌ڕۆش لا ده‌ده‌ن و هیتله‌ر و موسولینی و ستالینیش نایانگرێته‌وه، به‌م ئه‌زمونانه‌وه ده‌بێت ئێمه دایمه لێیان به گوومان بین. دایمه که ده‌ستمان له گه‌ڵ لێده‌ده‌نه‌وه، وریای ده‌سته‌که‌ی دیکه‌یان بین که چه‌قۆی هه‌ڵگرتووه و به ته‌مان له پشتمان ڕۆکه‌ن!! کاتێک من ئا به‌م شێوه‌یه ڕه‌شبین و پیسیمیست له‌مه‌ڕ داگیرکه‌رانه‌وه بیر ده‌که‌مه، خه‌تای من نیه، به‌ڵکو ئه‌مه ئه‌و ته‌سویره‌یه که ئه‌وان له خۆیان لای من دایان ناوه!! ئه‌وجار له سیاسه‌تدا له به‌ر ئه‌وه‌ی که به‌رژه‌وه‌ندی نه‌ته‌وه‌یه‌ک له یاریدایه، نه شه‌رم هه‌یه نه ته‌عاروف و نه ڕوده‌رباعیسی، به‌ڵکو هاوکات له‌گه‌ڵ نیشاندانی ڕویه‌کی دیپلۆماسی گه‌ش و خۆش به به‌رانبه‌ره‌که‌ت، پێویسته ته‌واو به گومان بیت لێی و ڕه‌شبین بیت له گه‌ڵی. ئه‌گه‌ر کورده‌کان له ڕابردودا که هه‌لیان بۆهه‌ڵکه‌وتووه، ئا به‌م شێوه‌یه بوونایه له سیاسه‌تدا، ئه‌وجار هیچکه‌س نه‌یده‌توانی به لۆکه سه‌ریان ببڕێت و نیشتیمانیان داگیر و پارچه پارچه بکات!!
چاو له ئه‌مڕۆ بکه‌ن، ڕۆژ نیه داگیرکه‌رێک له داگیرکه‌رانی کورد پیلانێک به کورده‌کان نه‌گێڕن. ڕۆژ نیه یه‌کیان سوکایه‌تییه‌کیان به نه‌ته‌وه‌که‌مان نه‌کردبێت، ڕۆژ نیه ئه‌و قین و نفره‌ته قوڵه‌ی له قوڵای دڵی داگیرکه‌رانی کوردستاندا له دژی گه‌لی کورد جێگای گرتووه، به شێوه‌یه‌ک له شێوه‌کان نه‌ڕژێننه ده‌ره‌وه و به سه‌رسوڕمانه‌وه و له‌و په‌ڕی بێ شه‌رمی و ماف به خۆ قایل بووندا، مافی ئێمه پێشێل نه‌که‌ن. ڕۆژ نیه له قوژبنێکی کوردستاندا له قوڵایی نیشتیمانی کورداندا هه‌ڵاواردن، ته‌عه‌دا، سوکایه‌تی، بێ حورمه‌تی، کوشتن و گرتن و بڕین و هیدیکه به گه‌له‌که‌مان نه‌که‌ن! ئه‌وه‌ی جێگای شک و گومان نییه ئه‌وه‌یه که داگیرکه‌ران ته‌نیا داگیر کردنی کوردستان بۆ سوکایه‌تی کردن به گه‌لی کورد به کیفایه‌ت نازانن، به‌ڵکو ڕۆژانه ده‌بێت ئه‌م قین و ڕقه‌یان نوێ و ئوپده‌یت بکه‌نه‌وه و سوکناییه‌ک به دڵی نه‌خۆشییان بده‌ن! له لایه‌نی به‌رانبه‌ر که ئێمه‌ی کوردین، به پێچه‌وانه ڕۆژ نیه که خۆشخه‌یاڵیمان به داگیرکه‌ران نیشان نه‌ده‌ین، ڕۆژ نیه که به ده‌مییانه‌وه پێ نه‌که‌نین، ڕۆژ نیه که نییه‌تی ئاشتیخوازانه‌مانیان پێ نیشان نه‌ده‌ین، ڕۆژ نیه که له پاڕله‌مانی ئێراق سووکایه‌تییه‌کانی عه‌ڕه‌بان پشت گوێ نه‌خه‌ین و چاوی لێ نه‌نوقێنین، ڕۆژ نیه که بیر له‌وه نه‌که‌ینه‌وه که په‌یکی ئاشتی بۆ تورکیا بنێرین و ڕۆژ نیه که به ناو نوێنه‌رانی کورد له مه‌جلیسی شۆرای ئیسلامی ئێران، نامه‌یه‌کی قوربان و سه‌ده‌قه بۆ دیکتاتۆڕه حه‌جه‌مه‌کانی داگیرکه‌ر له‌و وڵاته نه‌نێرن و به شه‌رم و سه‌ری کزییه‌وه داوای به‌خشینمان و کۆبوونه‌وه‌یان لێ نه‌که‌ن! ڕۆژ نیه که به ناو حیزبه ئوپۆزیسیۆنه کورده‌کانی ڕۆژهه‌ڵات له ده‌ره‌وه‌ی ولات بۆ هه‌زاره‌مین جار سوێند بۆ ڕۆشنبیر و شاعیر و هونه‌رمه‌نده به ناو مرۆڤدۆسته حه‌جه‌مه‌کان نه‌خۆن که ئه‌وان واته حیزبه‌کان گوایا "به شه‌ره‌فییان" "جیابوونه‌وه‌خواز" نین! ئایا ده‌زانن که بۆچی ئه‌وان واته داگیرکه‌ران ئه‌وه‌نده ئاوان که هه‌ن و بۆ ئێمه ئه‌وه‌نده ئاواین که هه‌ین؟ وڵامه‌که‌ی زۆر ئاسانه، بۆ ئه‌وه‌ی که ئه‌وان نه‌ته‌وه‌یین و هه‌مو هه‌وڵییان بۆ سه‌لماندنی خۆیان و نه‌ته‌وه‌که‌یانه و ئێمه‌ش حیزبی و عه‌شیره‌یین و هه‌مو هه‌م و غه‌ممان بۆ سه‌لماندنی حیزبه‌که‌ی خۆمان و عه‌شیره و بنه‌ماڵه‌که‌مانه!! بۆیه من ده‌ڵێم و یه‌قینم هه‌یه که ئێمه نه‌ته‌وه‌یی نین بۆیه ئاوا بێ ده‌سه‌ڵاتین! ئه‌رێ بابه "ئیدی به‌سه تا که‌ی دڵمان ته‌قی" ئه‌م هه‌مووه بێ هێزییه، ئه‌م هه‌مووه بێ چاره‌ییه، ئه‌م هه‌مووه بێ ته‌کلیفییه، ئه‌م هه‌موه بێ ده‌سه‌ڵاتییه، ئه‌م هه‌مووه خۆشخه‌یاڵییه، ئه‌م هه‌موه بێ ڕێزییه، ئه‌م هه‌موه له ژێره‌وه بوونه تا که‌ی؟!!
ئێمه‌ی کورد هێنده نوقمی حیزبایه‌تی بووین و پێمان وایه که ته‌نیا حیزبه‌کانمان ده‌توانن کێشه‌کانمان بۆ چاره‌سه‌ر که‌ن که بۆخۆمان ده‌سته‌وه‌ستان ماوین و هیچ ده‌سه‌ڵاتێکیشمان نیه! ئه‌مه له حاڵێکدا که به ئه‌زمون و ته‌جروبه بۆمان ده‌رکه‌وتووه که حیزبه‌کان ئه‌گه‌ر چی زه‌حمه‌ت ده‌کێشن و هه‌ڵده‌سوڕێن، نانی کورد بوون و کوردایه‌تیش ده‌خۆن، له‌گه‌ڵ ڕێزم بۆیان، به‌ڵام نه‌ته‌وه‌یی نین و هه‌وڵه‌کانیان بۆ نه‌ته‌وه‌که‌یان نیه، به‌ڵکو هه‌مو به‌رژه‌وه‌ندی و هه‌وڵییان بۆخۆیان وه‌ک حیزب و ته‌نانه‌ت هه‌ندێکیان هه‌وڵه‌کانیان ته‌نیا بۆ بنه‌ماڵه‌کانیانه! پێویسته ئه‌م دیارده‌یه کۆتایی پێ بێت و پێویسته داهاتوویه‌کی نه‌ته‌وه‌یی به ڕێکخراوی سه‌رتاسه‌ری پێک بێنین. پێویسته ڕێگا له حیزبه‌کان بگرین که مه‌عامه‌له و سه‌وداگه‌ری به چاره‌نووسی گه‌له‌که‌مانه‌وه بکه‌ن! پێویسته به حیزبه‌کان حاڵی که‌ین که ئه‌وان ته‌نانه‌ت ئه‌گه‌ر هه‌ر هه‌موشیان پێکه‌وه به‌ره‌یه‌ک پێک بێنن، که سه‌لماندوویانه که ته‌نانه‌ت ئه‌مه‌نده‌شیان لێ ناوه‌شێته‌وه، به‌ڵام به‌و حاڵه‌ش تاقه نوێنه‌ری گه‌لی کورد نابن، به‌ڵکو کاتێک ده‌بنه نوێنه‌ری گه‌لی کورد که کۆنگره‌یه‌کی نیشتیمانی دێمۆکڕاتیک له نوێنه‌ری هه‌مو گروپ و تاقم و کۆمه‌ڵ و که‌مایه‌تی و هتد پێک هاتبێت و نوێنه‌رانی سه‌ربه‌خۆ و نا حیزبیش له‌و کۆنگره‌یه‌دا ئه‌ندام بن! ته‌نیا له‌م حاڵه‌ته‌دایه که ئه‌وان شه‌رعییه‌تیان ده‌بێت و ده‌توانن نوێنه‌رایه‌تی گه‌لی کورد بکه‌ن، به‌ڵام به داخه‌وه جار و بار ده‌بیستمه‌وه یا ده‌خوێنمه‌وه که فڵانه سه‌رۆک حیزب "به نوێنه‌رایه‌تی گه‌لی کورد!!" فڵانه شتی واژۆ کرد!! ئه‌مه جێگای گومانه و ئه‌و واژۆیه‌ش بێ نرخه!!
کاتێک له سه‌ره‌تاکانی ساڵی دوهه‌زار و حه‌وت به وتارێک هێرشم کرده سه‌ر حیزبه چه‌په کورده‌کان به گشتی و چه‌پی کورد به تایبه‌تی، کاتێک هه‌ر ئه‌و کاتانه هێرشم کرده سه‌ر حیزبه ڕاسته کورده‌کان به گشتی و ڕاستی کورد به تایبه‌تی و پاشانیش پێشنیازی پێک هاتنی ڕێکخراوێکم کرد که له سه‌رو حیزبه‌کانه‌وه بێت و وه‌ک له شێوه‌ی ده‌وڵه‌ت له تاراوگه کار بکات و خۆی بنوێنێت، کاتێک پێشنیازی پێک هێنانی سپای سه‌ربه‌خۆی ڕزگاریخوازی گه‌لی کوردم هێنا پێشه‌وه و کاتێک پێشنیازی پێک هاتنی جوڵانه‌وه‌یه‌کی نا حیزبی و سه‌ربۆخۆ و نه‌ته‌وه‌ییم کرد بۆ ئه‌وه‌ی ئاماده‌کاری بکات بۆ پێک هاتنی ڕێفڕاندۆمێک و ڕاپرسییه‌کی گشتی بۆ پرسی ئه‌وه‌ی که کورد له ئێران بمێنێته‌وه یا خۆ سه‌ربه‌خۆیی خۆی ڕابگه‌یه‌نێت و هه‌مو ئه‌مانه‌م له توێی کۆمه‌ڵه وتارێکدا بڵاو کردنه‌وه و زۆر که‌س و به تایبه‌ت حیزبه‌کان له سه‌ر تۆڕی ئینتێڕنێت خوێندیاننه‌وه و له ناو داتاکانیان زه‌خیره‌یان کردن، به زاهیر وا دیار بوو که ئه‌و پێشنیازانه هیچ کاریگه‌رییه‌کیان به گشتی له‌سه‌ر خوێنه‌رانی کورد و چالاکانی سیاسی سه‌ربه‌خۆ و به تایبه‌تی ئه‌ندامانی حیزبه‌کان دانه‌ناوه، به‌ڵام ئه‌مڕۆکه وا ده‌بینم که له گۆشه و که‌ناره‌وه و ورده ورده ئه‌م زمزمه‌یه به‌ر گوێ و چاوی خوێنه‌ران له ئینتێڕنێت ده‌که‌وێت که وه‌ها ڕێکخراوه‌یه‌ک پێویستی ئه‌م سه‌رده‌مه‌یه، ئه‌مه خۆی گه‌لێک دڵخۆشکه‌ر و شایانی ئه‌وه‌یه که کاری زیاتری بۆ بکرێت، چونکو به ڕاستی چاره‌سه‌ری کێشه‌ی کورد له ڕۆژهه‌ڵاتی کوردستان نه‌ک حیزبه‌کان به‌ڵکو به‌س وه‌ها ڕێکخراوێک ده‌توانێت بیکات و هه‌ر لێره‌شه‌وه بۆ جارێکی دیکه‌ش بانگه‌وازی هه‌مو کوردێکی نه‌ته‌وه‌یی، سه‌ربه‌خۆیی خواز، دڵسۆز و نیشتیمان په‌روه‌ر ده‌که‌م که هه‌وڵه‌کان بخه‌نه گه‌ڕ بۆ پێک هێنانی وه‌ها بزوتنه‌وه‌یه‌کی جه‌ماوه‌ری له ده‌ره‌وه و له ناوه‌وه‌ی کوردستان. له ناوخۆ جم و جۆڵه‌کان له ئارادان و له ده‌ره‌وه‌ش هه‌ر وه‌ها، ته‌نیا ماوه هه‌نگاوی گرنگتریان بۆ هه‌ڵبگرین، ده‌با وه‌خۆ که‌وین!!
سه‌رکه‌وێت بزوتنه‌وه‌ی جه‌ماوه‌ری بۆ نیشتیمانێکی سه‌ربه‌خۆ و به دور له هه‌ڵاواردنی مرۆڤی کورد و غه‌یری کورد
24ی سه‌رماوه‌زی 2709
ئه‌وه‌نده‌ی که په‌یوه‌ندی به هه‌ژاریی ئابوری و ناسه‌ربه‌خۆیی و چاو له ده‌ست بوونی ئابوریه‌وه هه‌یه، هۆکه‌ی ئه‌گه‌ڕێته‌وه بۆ ئاستی دڕندایه‌تی داگیرکه‌ران که ده‌ستیان به سه‌ر ئه‌م نیشتیمانه‌دا گرتووه و ئابوری نیشتیمانی کوردان و کانه نه‌وت و گاز و به‌رد و شته‌کانی ئه‌م گه‌له و کشت و کاڵ و گومرکه‌‌که‌یشی کۆنتڕۆڵ ده‌که‌ن و شۆڕشگێڕانی کورد ده‌ستیان به‌م سه‌رچاوانه ڕانه‌گه‌ییوه و له ده‌ره‌وه‌ش ته‌نیا وه‌ک یارمه‌تی، بۆ زیندوو مانه‌وه و درێژه‌ی خه‌بات، ئه‌ویش به هه‌ژاری، یارمه‌تی دراون و زۆر جاریش حیزبه کوردیه‌کان له هه‌مو پارچه‌کان و ده‌توانم بڵێم به داخه‌وه بۆ درێژه‌ی خه‌باتی خۆیان په‌نایان بردۆته به‌ر داگیرکه‌رانی به‌شه‌کانی دیکه‌ی کوردستان! شۆڕشگێڕانی ڕۆژهه‌ڵاتی کوردستان چوونه‌ته باوه‌شی نیزامی به‌عس و ئه‌وانی باکور چونه‌ته باوه‌شی نیزامی ئه‌سه‌د و کۆماری ئیسلامی و ئه‌وانی باشور چوونه‌ته باوه‌شی کۆماری ئیسلامی و ته‌نانه‌ت یارمه‌تیشیان داون و تا ئه‌مڕۆکه‌ش وه‌ک برا وان و مو ناچێت به به‌ینیاندا!!
ئه‌وه‌نده‌ی ئه‌گه‌ڕێته‌وه سه‌ر هه‌ژاریی سیاسی و تاکتیکی، ئه‌توانم بڵێم که گه‌لی کورد و ڕوناکبیران و شۆڕشگێڕانی کورد له هه‌مو پارچه‌کانی کوردستان خاوه‌نی کتێبخانه وئاڕشیوخانه‌یه‌کی گه‌وره‌ن له بواری هه‌ڵه‌ی سیاسی و تاکتیکی و هۆکاره‌که‌یشی ئه‌گه‌ڕێته‌وه بۆ یه‌ک شت و ئه‌ویش ئه‌وه‌یه که کورد به گشتی، به حیزب و ڕێکخراوه و ڕوناکبیر و هیدیکه‌وه، نه‌ته‌وه‌یی نین! کارم به تاقه که‌سه‌کان نه‌داوه که لێره و له‌وێ بیر له سه‌ربه‌خۆیی ده‌که‌نه‌وه، مه‌به‌ستی من لێره جه‌ماوه‌ره و چونکو له ڕاپرسیدا جه‌ماوه‌ر حیسابه و نه‌ک تاقه‌کان و سه‌رۆکه‌کان! کورد گه‌لێکی نه‌ته‌وه‌یی و گه‌لێکی نه‌ته‌وه خواز نه‌بووه و نیه و ئه‌مه‌ش گه‌وره‌ترین که‌لێنه له کورده‌کاندا که له‌گه‌ڵ ئه‌وه‌شدا که دیعایه ده‌که‌ن که نه‌ته‌وه‌یین، به‌ڵام به داخه‌وه نه‌ته‌وه‌یی نین!! کورد نه‌ته‌وه‌یی نین بۆ ئه‌وه‌ی که بیریان له ده‌وڵه‌تێکی نه‌ته‌وه‌یی، له سه‌ربه‌خۆیی نه‌ته‌وه‌یی، له ئابوری سه‌ربه‌خۆی نه‌ته‌وه‌یی، له هه‌ڵس و که‌وتی سه‌ربه‌خۆ له گه‌ڵ ده‌وڵه‌تان نه‌کردۆته‌وه! کورده‌کان حیزبین و بیر له به‌رژه‌وه‌ندی حیزبایه‌تی ده‌که‌نه‌وه، کورده‌کان عه‌شیره‌یین، بۆ ئه‌وه‌ی که بیر له به‌رژه‌وه‌ندی بنه‌ماڵه ده‌که‌نه‌وه. کورده‌کان کاتێک ده‌بنه گه‌لێکی نه‌ته‌وه‌خواز و نه‌ته‌وه خۆشه‌ویست که ئا له‌م حاڵه‌ته سه‌ر لێ شێواویی و نیشتیمان داگیرکراوه‌ییه‌دا، ته‌نیا بیر له یه‌ک شت بکه‌نه‌وه، ئه‌ویش پێک هێنانی ده‌وڵه‌تی نه‌ته‌وه‌ییه! کورده‌کان پێویسته و ده‌بو هه‌ر ئێستاکه خاوه‌نی گه‌وره‌ترین ڕێکخراوی نه‌ته‌وه‌یی خۆیان بن و له پاڵ وه‌ها ڕێکخراوه‌یه‌کیشدا ئه‌گه‌ر چه‌ند ڕێکخراوی بچکۆله هه‌ڵسوڕانیان هه‌بوویایه زۆر ئاسایی ده‌بو، به‌ڵام کێشه‌که لێره‌دایه که کورده‌کان به تایبه‌ت له ڕۆژهه‌ڵات ئێستا به‌و جۆره نین و حاڵه‌تیان نائاساییه و هه‌ر ئێستاکه ڕۆژهه‌ڵاتی کوردستان خاوه‌نی نیزیکه‌ی بیست ڕێکخراوه‌ی سیاسی و مه‌ده‌نییه، که لانیکه‌م ده دانه‌یان ئیدیعای تاقه حیزبی سه‌ره‌کی بۆ خۆیان ده‌که‌ن و ئه‌مه ئاور خۆشکه‌ری داهاتوی کوردستانه که وڵات ده‌کاته جه‌هه‌نده‌مێک ئه‌و سه‌ری ناپه‌یدا، بۆ ئه‌وه‌ی له ده حیزبدا که‌س خۆی له‌ویتر به که‌متر نازانێت و له ناوچه‌یه‌کی ئێجگار حه‌ساسیشدا ده‌ژین که وه‌ک ئه‌وه وایه به‌نزینت ڕشتبێت و به تاقه بروسکه‌یه‌ک، هه‌مو ناوچه‌که ئاور ده‌گرێت! ئه‌مه‌یه مه‌ترسی من له دواڕۆژی کوردستان! ئێستا له ئوروپا و ئه‌مریکا ده‌ژین و له وڵاتگه‌لێکین که چه‌کمان پێ نیه و ده‌سه‌ڵاتیشمان نیه، به‌ڵام که چوینه‌وه کوردستان هه‌مو چه‌کدارین، هیچ ده‌وڵه‌تێکی خۆماڵی و هیچ یاسا و دادگایه‌کمان به سه‌ره‌وه نیه، هه‌مو موده‌عیین، دێمۆکڕاسیمان وه‌ک ده‌سه‌ڵاتدار ئه‌زمون نه‌کردووه و ته‌نیا وه‌ک شارومه‌ند له وڵاتانی دێمۆکڕات ژیاوین و ئیتر بۆخۆتان چیرۆکێکی تێر و ته‌سه‌ل له‌م و‌زعه بخوێننه‌وه و ئه‌و ئاگره‌ی دواڕۆژ که من له ئێستاوه لێی ده‌ترسێم، بیهێننه به‌ر چاوی خۆتان!!
چاره‌سه‌ری کێشه‌ی کورد و خۆشخه‌یاڵیه‌کانمان و له دایک بوونی خه‌ونێکی نوێ!
من پێم وایه که له‌م ساڵانه‌ی ئاخرا کورده‌کان له هه‌مو پارچه‌کانی کوردستان توش خۆشخه‌یاڵییه‌کی ئێجگار به‌رچاو له‌مه‌ڕ چۆنیه‌تی هه‌ڵس و که‌وت له‌گه‌ڵ داگیرکه‌رانی کوردستان بوونه‌ته‌‌وه و خۆشخه‌یاڵی ئه‌مجاره‌مان به‌ناوی چاره‌سه‌ری دێمۆکڕاتیکی کێشه‌ی گه‌لی کوردستان به‌ر چاو ده‌که‌وێت! یه‌ک له خۆشخه‌یاڵیه‌کانی ڕابردوومان برایه‌تی برایانی موسوڵمانی ئێمه وه‌ک تورک و فارس و عه‌ڕه‌ب بوونه، که پاش ئه‌وه‌ی کاریان سه‌ری گرت ئه‌وجار وه‌ک مار پێیانه‌وه داین و وڵاتیان لێ دابه‌ش کردین. یه‌کی دی له خۆشخه‌یاڵیه‌کانمان پێک هێنانی ویلایه‌تی خودموختاری کوردستان بوو که ئه‌ویش بۆ له بیر بردنه‌وه‌ی هه‌ستی سه‌ربه‌خۆیی ته‌ڕڕاحی کرابوو و دواتر ئه‌ویشیان نه‌داینێ و خۆشخه‌یاڵییه‌کی دیکه خه‌ونی فیدڕالیزمه که هه‌ر ئێستاکه سه‌رمانیان پێوه شلوق کردووه و بێشک له ساڵانی داهاتودا له پڕ ژه‌هره‌که‌ی له له‌شماندا هه‌ست پێ ده‌که‌ین، هه‌ر وه‌ک چۆن له به‌غداد تۆپ تۆپێنێمان پێ ده‌که‌ن! نوێترین خۆشخه‌یاڵی چاره‌سه‌ری کێشه‌ی دێمۆکڕاتیکی گه‌لی کوردستان له باکوری وڵاته و دیتمان که چلۆن وه‌ک مار به ده ته په‌یانه‌وه دا و له ئێرانیش زمزمه‌ی ئه‌وه هه‌یه که گوایا نوێنه‌رانی به‌سیجی کورد له تارانیش به ته‌مای کۆپی کردنی ده‌ته‌په‌ن!! دیاره هیچکه‌س دژی ئه‌وه نیه که کێشه‌کانی نه‌ک به شه‌ڕ، به‌ڵکو له ڕێگای ناتوند و تیژی و ئاشتییه‌وه چاره‌سه‌ر بکرێن، به‌ڵام ئه‌زمونه‌کانی ڕابردوی هه‌ڵس و که‌وتی گه‌لانی داگیه‌رکه‌ری کوردستان له گه‌ڵ ئێمه و جێ پێ خاڵی کردنمان به ده‌یان و سه‌دان جار و هیدیکه پێمان ده‌ڵێن که ئه‌و گه‌لانه نه ته‌نیا هیچ جێگای متمانه نین، به‌ڵکو له به‌ر ئه‌وه‌ی که بۆ مافی خۆیان زۆر نه‌ته‌وه‌یین و جار و باریش له ئاست گه‌لی کورددا له فاشیزمێکی سه‌ره‌ڕۆش لا ده‌ده‌ن و هیتله‌ر و موسولینی و ستالینیش نایانگرێته‌وه، به‌م ئه‌زمونانه‌وه ده‌بێت ئێمه دایمه لێیان به گوومان بین. دایمه که ده‌ستمان له گه‌ڵ لێده‌ده‌نه‌وه، وریای ده‌سته‌که‌ی دیکه‌یان بین که چه‌قۆی هه‌ڵگرتووه و به ته‌مان له پشتمان ڕۆکه‌ن!! کاتێک من ئا به‌م شێوه‌یه ڕه‌شبین و پیسیمیست له‌مه‌ڕ داگیرکه‌رانه‌وه بیر ده‌که‌مه، خه‌تای من نیه، به‌ڵکو ئه‌مه ئه‌و ته‌سویره‌یه که ئه‌وان له خۆیان لای من دایان ناوه!! ئه‌وجار له سیاسه‌تدا له به‌ر ئه‌وه‌ی که به‌رژه‌وه‌ندی نه‌ته‌وه‌یه‌ک له یاریدایه، نه شه‌رم هه‌یه نه ته‌عاروف و نه ڕوده‌رباعیسی، به‌ڵکو هاوکات له‌گه‌ڵ نیشاندانی ڕویه‌کی دیپلۆماسی گه‌ش و خۆش به به‌رانبه‌ره‌که‌ت، پێویسته ته‌واو به گومان بیت لێی و ڕه‌شبین بیت له گه‌ڵی. ئه‌گه‌ر کورده‌کان له ڕابردودا که هه‌لیان بۆهه‌ڵکه‌وتووه، ئا به‌م شێوه‌یه بوونایه له سیاسه‌تدا، ئه‌وجار هیچکه‌س نه‌یده‌توانی به لۆکه سه‌ریان ببڕێت و نیشتیمانیان داگیر و پارچه پارچه بکات!!
چاو له ئه‌مڕۆ بکه‌ن، ڕۆژ نیه داگیرکه‌رێک له داگیرکه‌رانی کورد پیلانێک به کورده‌کان نه‌گێڕن. ڕۆژ نیه یه‌کیان سوکایه‌تییه‌کیان به نه‌ته‌وه‌که‌مان نه‌کردبێت، ڕۆژ نیه ئه‌و قین و نفره‌ته قوڵه‌ی له قوڵای دڵی داگیرکه‌رانی کوردستاندا له دژی گه‌لی کورد جێگای گرتووه، به شێوه‌یه‌ک له شێوه‌کان نه‌ڕژێننه ده‌ره‌وه و به سه‌رسوڕمانه‌وه و له‌و په‌ڕی بێ شه‌رمی و ماف به خۆ قایل بووندا، مافی ئێمه پێشێل نه‌که‌ن. ڕۆژ نیه له قوژبنێکی کوردستاندا له قوڵایی نیشتیمانی کورداندا هه‌ڵاواردن، ته‌عه‌دا، سوکایه‌تی، بێ حورمه‌تی، کوشتن و گرتن و بڕین و هیدیکه به گه‌له‌که‌مان نه‌که‌ن! ئه‌وه‌ی جێگای شک و گومان نییه ئه‌وه‌یه که داگیرکه‌ران ته‌نیا داگیر کردنی کوردستان بۆ سوکایه‌تی کردن به گه‌لی کورد به کیفایه‌ت نازانن، به‌ڵکو ڕۆژانه ده‌بێت ئه‌م قین و ڕقه‌یان نوێ و ئوپده‌یت بکه‌نه‌وه و سوکناییه‌ک به دڵی نه‌خۆشییان بده‌ن! له لایه‌نی به‌رانبه‌ر که ئێمه‌ی کوردین، به پێچه‌وانه ڕۆژ نیه که خۆشخه‌یاڵیمان به داگیرکه‌ران نیشان نه‌ده‌ین، ڕۆژ نیه که به ده‌مییانه‌وه پێ نه‌که‌نین، ڕۆژ نیه که نییه‌تی ئاشتیخوازانه‌مانیان پێ نیشان نه‌ده‌ین، ڕۆژ نیه که له پاڕله‌مانی ئێراق سووکایه‌تییه‌کانی عه‌ڕه‌بان پشت گوێ نه‌خه‌ین و چاوی لێ نه‌نوقێنین، ڕۆژ نیه که بیر له‌وه نه‌که‌ینه‌وه که په‌یکی ئاشتی بۆ تورکیا بنێرین و ڕۆژ نیه که به ناو نوێنه‌رانی کورد له مه‌جلیسی شۆرای ئیسلامی ئێران، نامه‌یه‌کی قوربان و سه‌ده‌قه بۆ دیکتاتۆڕه حه‌جه‌مه‌کانی داگیرکه‌ر له‌و وڵاته نه‌نێرن و به شه‌رم و سه‌ری کزییه‌وه داوای به‌خشینمان و کۆبوونه‌وه‌یان لێ نه‌که‌ن! ڕۆژ نیه که به ناو حیزبه ئوپۆزیسیۆنه کورده‌کانی ڕۆژهه‌ڵات له ده‌ره‌وه‌ی ولات بۆ هه‌زاره‌مین جار سوێند بۆ ڕۆشنبیر و شاعیر و هونه‌رمه‌نده به ناو مرۆڤدۆسته حه‌جه‌مه‌کان نه‌خۆن که ئه‌وان واته حیزبه‌کان گوایا "به شه‌ره‌فییان" "جیابوونه‌وه‌خواز" نین! ئایا ده‌زانن که بۆچی ئه‌وان واته داگیرکه‌ران ئه‌وه‌نده ئاوان که هه‌ن و بۆ ئێمه ئه‌وه‌نده ئاواین که هه‌ین؟ وڵامه‌که‌ی زۆر ئاسانه، بۆ ئه‌وه‌ی که ئه‌وان نه‌ته‌وه‌یین و هه‌مو هه‌وڵییان بۆ سه‌لماندنی خۆیان و نه‌ته‌وه‌که‌یانه و ئێمه‌ش حیزبی و عه‌شیره‌یین و هه‌مو هه‌م و غه‌ممان بۆ سه‌لماندنی حیزبه‌که‌ی خۆمان و عه‌شیره و بنه‌ماڵه‌که‌مانه!! بۆیه من ده‌ڵێم و یه‌قینم هه‌یه که ئێمه نه‌ته‌وه‌یی نین بۆیه ئاوا بێ ده‌سه‌ڵاتین! ئه‌رێ بابه "ئیدی به‌سه تا که‌ی دڵمان ته‌قی" ئه‌م هه‌مووه بێ هێزییه، ئه‌م هه‌مووه بێ چاره‌ییه، ئه‌م هه‌مووه بێ ته‌کلیفییه، ئه‌م هه‌موه بێ ده‌سه‌ڵاتییه، ئه‌م هه‌مووه خۆشخه‌یاڵییه، ئه‌م هه‌موه بێ ڕێزییه، ئه‌م هه‌موه له ژێره‌وه بوونه تا که‌ی؟!!
ئێمه‌ی کورد هێنده نوقمی حیزبایه‌تی بووین و پێمان وایه که ته‌نیا حیزبه‌کانمان ده‌توانن کێشه‌کانمان بۆ چاره‌سه‌ر که‌ن که بۆخۆمان ده‌سته‌وه‌ستان ماوین و هیچ ده‌سه‌ڵاتێکیشمان نیه! ئه‌مه له حاڵێکدا که به ئه‌زمون و ته‌جروبه بۆمان ده‌رکه‌وتووه که حیزبه‌کان ئه‌گه‌ر چی زه‌حمه‌ت ده‌کێشن و هه‌ڵده‌سوڕێن، نانی کورد بوون و کوردایه‌تیش ده‌خۆن، له‌گه‌ڵ ڕێزم بۆیان، به‌ڵام نه‌ته‌وه‌یی نین و هه‌وڵه‌کانیان بۆ نه‌ته‌وه‌که‌یان نیه، به‌ڵکو هه‌مو به‌رژه‌وه‌ندی و هه‌وڵییان بۆخۆیان وه‌ک حیزب و ته‌نانه‌ت هه‌ندێکیان هه‌وڵه‌کانیان ته‌نیا بۆ بنه‌ماڵه‌کانیانه! پێویسته ئه‌م دیارده‌یه کۆتایی پێ بێت و پێویسته داهاتوویه‌کی نه‌ته‌وه‌یی به ڕێکخراوی سه‌رتاسه‌ری پێک بێنین. پێویسته ڕێگا له حیزبه‌کان بگرین که مه‌عامه‌له و سه‌وداگه‌ری به چاره‌نووسی گه‌له‌که‌مانه‌وه بکه‌ن! پێویسته به حیزبه‌کان حاڵی که‌ین که ئه‌وان ته‌نانه‌ت ئه‌گه‌ر هه‌ر هه‌موشیان پێکه‌وه به‌ره‌یه‌ک پێک بێنن، که سه‌لماندوویانه که ته‌نانه‌ت ئه‌مه‌نده‌شیان لێ ناوه‌شێته‌وه، به‌ڵام به‌و حاڵه‌ش تاقه نوێنه‌ری گه‌لی کورد نابن، به‌ڵکو کاتێک ده‌بنه نوێنه‌ری گه‌لی کورد که کۆنگره‌یه‌کی نیشتیمانی دێمۆکڕاتیک له نوێنه‌ری هه‌مو گروپ و تاقم و کۆمه‌ڵ و که‌مایه‌تی و هتد پێک هاتبێت و نوێنه‌رانی سه‌ربه‌خۆ و نا حیزبیش له‌و کۆنگره‌یه‌دا ئه‌ندام بن! ته‌نیا له‌م حاڵه‌ته‌دایه که ئه‌وان شه‌رعییه‌تیان ده‌بێت و ده‌توانن نوێنه‌رایه‌تی گه‌لی کورد بکه‌ن، به‌ڵام به داخه‌وه جار و بار ده‌بیستمه‌وه یا ده‌خوێنمه‌وه که فڵانه سه‌رۆک حیزب "به نوێنه‌رایه‌تی گه‌لی کورد!!" فڵانه شتی واژۆ کرد!! ئه‌مه جێگای گومانه و ئه‌و واژۆیه‌ش بێ نرخه!!
کاتێک له سه‌ره‌تاکانی ساڵی دوهه‌زار و حه‌وت به وتارێک هێرشم کرده سه‌ر حیزبه چه‌په کورده‌کان به گشتی و چه‌پی کورد به تایبه‌تی، کاتێک هه‌ر ئه‌و کاتانه هێرشم کرده سه‌ر حیزبه ڕاسته کورده‌کان به گشتی و ڕاستی کورد به تایبه‌تی و پاشانیش پێشنیازی پێک هاتنی ڕێکخراوێکم کرد که له سه‌رو حیزبه‌کانه‌وه بێت و وه‌ک له شێوه‌ی ده‌وڵه‌ت له تاراوگه کار بکات و خۆی بنوێنێت، کاتێک پێشنیازی پێک هێنانی سپای سه‌ربه‌خۆی ڕزگاریخوازی گه‌لی کوردم هێنا پێشه‌وه و کاتێک پێشنیازی پێک هاتنی جوڵانه‌وه‌یه‌کی نا حیزبی و سه‌ربۆخۆ و نه‌ته‌وه‌ییم کرد بۆ ئه‌وه‌ی ئاماده‌کاری بکات بۆ پێک هاتنی ڕێفڕاندۆمێک و ڕاپرسییه‌کی گشتی بۆ پرسی ئه‌وه‌ی که کورد له ئێران بمێنێته‌وه یا خۆ سه‌ربه‌خۆیی خۆی ڕابگه‌یه‌نێت و هه‌مو ئه‌مانه‌م له توێی کۆمه‌ڵه وتارێکدا بڵاو کردنه‌وه و زۆر که‌س و به تایبه‌ت حیزبه‌کان له سه‌ر تۆڕی ئینتێڕنێت خوێندیاننه‌وه و له ناو داتاکانیان زه‌خیره‌یان کردن، به زاهیر وا دیار بوو که ئه‌و پێشنیازانه هیچ کاریگه‌رییه‌کیان به گشتی له‌سه‌ر خوێنه‌رانی کورد و چالاکانی سیاسی سه‌ربه‌خۆ و به تایبه‌تی ئه‌ندامانی حیزبه‌کان دانه‌ناوه، به‌ڵام ئه‌مڕۆکه وا ده‌بینم که له گۆشه و که‌ناره‌وه و ورده ورده ئه‌م زمزمه‌یه به‌ر گوێ و چاوی خوێنه‌ران له ئینتێڕنێت ده‌که‌وێت که وه‌ها ڕێکخراوه‌یه‌ک پێویستی ئه‌م سه‌رده‌مه‌یه، ئه‌مه خۆی گه‌لێک دڵخۆشکه‌ر و شایانی ئه‌وه‌یه که کاری زیاتری بۆ بکرێت، چونکو به ڕاستی چاره‌سه‌ری کێشه‌ی کورد له ڕۆژهه‌ڵاتی کوردستان نه‌ک حیزبه‌کان به‌ڵکو به‌س وه‌ها ڕێکخراوێک ده‌توانێت بیکات و هه‌ر لێره‌شه‌وه بۆ جارێکی دیکه‌ش بانگه‌وازی هه‌مو کوردێکی نه‌ته‌وه‌یی، سه‌ربه‌خۆیی خواز، دڵسۆز و نیشتیمان په‌روه‌ر ده‌که‌م که هه‌وڵه‌کان بخه‌نه گه‌ڕ بۆ پێک هێنانی وه‌ها بزوتنه‌وه‌یه‌کی جه‌ماوه‌ری له ده‌ره‌وه و له ناوه‌وه‌ی کوردستان. له ناوخۆ جم و جۆڵه‌کان له ئارادان و له ده‌ره‌وه‌ش هه‌ر وه‌ها، ته‌نیا ماوه هه‌نگاوی گرنگتریان بۆ هه‌ڵبگرین، ده‌با وه‌خۆ که‌وین!!
سه‌رکه‌وێت بزوتنه‌وه‌ی جه‌ماوه‌ری بۆ نیشتیمانێکی سه‌ربه‌خۆ و به دور له هه‌ڵاواردنی مرۆڤی کورد و غه‌یری کورد
24ی سه‌رماوه‌زی 2709
هیچ نظری موجود نیست:
ارسال یک نظر